កីឡាករ Cristiano Ronaldo បើទោះជាស្ថិតក្នុងការឃុំខ្លួនដាច់ដោយឡែកពីគេក៏ដោយ ក៏ខ្សែប្រយុទ្ធរូបនេះនៅតែបន្ដហ្វឹកហាត់ជាធម្មតាដដែល និងកាន់តែប្រឹងប្រែងជាងមុនទៅទៀត។ជាក់ស្ដែងនៅយប់មិញនេះ រូបគេបានបង្ហោះរូបមួយសន្លឹកក្នុងបន្ទប់ហាត់ផ្ទាល់តែម្ដង ជាមួយសមាជិកក្រុមគ្រួសារដទៃទៀត។ ក្នុងរូបនោះដែរ គេសង្កេតឃើញសាច់ដុំរបស់ Ronaldo នៅរឹងមាំខ្លាំងដដែល និងពិតជាសក្ដិសមជាកីឡាករបាល់ទាត់ដែលប្រឹងប្រែងខ្លាំងមែនទែន។
អ្វីដែលកាន់តែធ្វើឱ្យគេសរសើរថែមទៀតនោះ មានដំណឹងថា Ronaldo បានជួយជាប្រាក់ដល់មន្ទីរពេទ្យនៅព័រទុយហ្គាល់ដើម្បី ប្រយុទ្ធប្រឆាំងជាមួយមេរោគ Covid-19 ថែមទៀតផង៕