Rio Ferdinand បានប្រាប់ទៅថ្នាក់ដឹកនាំការប្រកួតពានរង្វាន់ Premier League ថា គួរតែរំសាយពានឆ្នាំនេះចោលទៅ ដើម្បីគេចឱ្យផុតពីការរីករាលដាលនៃមេរោគ Covid-19 ។អង់គ្លេស ដែលមានករណីឆ្លងមេរោគ Covid-19 ច្រើនដែរនោះ បានពន្យាពេលការប្រកួត Premeir League រហូតដល់ថ្ងៃទី៣០ខែមេសាឆ្នាំ២០២០ ទើបមានការប្រកាសថ្មីទៀត។ យ៉ាងណាមិញ បើតាមស្ថានភាពបច្ចុប្បន្ននេះ អង់គ្លេសនៅមិនទាន់អាចគ្រប់គ្រងស្ថានភាពបាននៅឡើយទេ ហើយបុគ្គលល្បីៗជាច្រើនក៏បានផ្ដល់ជាយោបល់ទាក់ទងការប្រកួតនេះផងដែរ។
ក្នុងនោះ Rio បាននិយាយថា៖ “ខ្ញុំគិតថាពានរង្វាន់អង់គ្លេសគួរតែផ្អាកហើយ។ ខ្ញុំដឹងថាខ្ញុំនិយាយបែបនេះ ប្រាកដជាត្រូវក្រុមអ្នកគាំទ្រ Liverpool ចោទខ្ញុំទៀតហើយ ប៉ុន្តែនេះជាសម្ដីពិត មិនមែនសម្ដីរបស់អ្នកគាំទ្រ Man Utd ឡើយ។ សុខភាពគឺជារឿងទីមួយ មុនដំបូងគេបង្អស់ យើងត្រូវតែគិតលើវា។ យើងគួរតែរំសាយការប្រកួតរដូវកាលនេះចោលតែម្ដងទើបជារឿងត្រឹមត្រូវ”៕
ប្រភព៖ DailyMail