Sissoko អតីតកីឡាករ Liverpool បានបញ្ជាក់ថាខ្សែប្រយុទ្ធ Mane ទៅថ្ងៃអនាគត នឹងផ្លាស់ទៅលេងនៅក្លឹប Real Madrid មិនខាន។Mane រកបាន១៤គ្រាប់ និងបញ្ជូនបាល់ឱ្យមិត្តរួមក្រុមបាន៧គ្រាប់នារដូវកាលនេះ ដែលធ្វើឱ្យក្រុម Liverpool កំពុងវ៉ាដាច់ពិន្ទុកំពូលតារាងតែម្ដង។ ជាមួយសមត្ថភាពដ៏ល្អនេះ ត្រូវបានក្លឹបជាច្រើនកំពុងសម្លឹងមើល ជាក់ស្ដែង Real Madrid ក៏ចង់បានរូបគេផងដែរ។
ជាមួយដំណឹងនេះ Sissoko ជឿជាក់ថាវាដល់ពេលដែល Mane ត្រូវចាកចេញពីហង្សក្រហម ដើម្បីរកកន្លែងថ្មីហើយ។ រូបគេជឿជាក់ថាសមត្ថភាពរបស់កីឡាករសេណេហ្គាល់រូបនេះ សក្ដិសមបំផុតហើយសម្រាប់ក្រុម Real Madrid ហើយក៏នឹងជោគជ័យក្រោមការដឹកនាំរបស់លោក Zidane ផងដែរ។សម្រាប់កីឡាករ Mane នេះ ក៏មានដំណឹងថាក្រុម Real Madrid ចង់បានកាលពីរដូវកាលដោះដូរកីឡាករកន្លងទៅដែរ ប៉ុន្តែគ្រានោះ មិនអាចយកបាន ព្រោះលោក Klopp បានដាក់តម្លៃខ្លួនខ្ពស់ខ្លាំងពេក៕
ប្រភព៖ MarCa