ពុំមានកីឡាករនិងគ្រូបង្វឹកណា បន្ទាប់ពី Lionel Messi និង Diego Simeone ដែលអាចទទួលបានប្រាក់ចំណូលច្រើនដាច់គេនោះទេនារដូវកាល ២០១៩/២០ នេះ។
តាមសារព័ត៌មាន France Football សម្រាប់ Messi រកបានប្រាក់សរុបប្រមាណ ១៣១ លានអឺរ៉ូ នេះបូកទាំងប្រាក់ពលកម្ម ប្រាក់ឧបត្ថម្ភ និងថ្លៃផ្សព្វផ្សាយពាណិជ្ជកម្មនានា។ តួលេខនេះ Messi រំកិលខ្ពស់ជាងឆ្នាំទៅ ១ លានអឺរ៉ូ ហើយបន្តឈរ Top 3 រាប់តាំងពីឆ្នាំ ២០១៣ រៀងមក។
បើធៀបនឹង Ronaldo រកបាន ១១៨ លានអឺរ៉ូ និង Neymar បាន ៩៥ លានអឺរ៉ូ ហើយ Antoine Griezmann អ្នកឈរលេខបន្ទាប់រកបាន ៣៨,៥ លានអឺរ៉ូ។
ចំពោះគ្រូបង្វឹកចំណូលរបស់លោក Diego Simeone អាចរកបានប្រមាណ ៤០,៥ លានអឺរ៉ូ នាមជាអ្នកចាត់ការកើបលុយច្រើនបំផុតប្រចាំរដូវកាល តាមពីក្រោយដោយលោក Antonio Conte រកបាន ៣០ លានអឺរ៉ូ និង Pep Guardiola រកបាន ២៧,៥ លានអឺរ៉ូ៕
ប្រភព៖ AF