តាមរបាយការណ៍ពី Mundo Deportivo បានចុះផ្សាយថាក្លឹប Inter Milan គឺជាក្លឹបមួយក្នុងចំណោមក្លឹបទាំង ៣ ដែលបានចាប់អារម្មណ៍ទៅលើ Philippe Coutinho របស់ក្លឹប FC Barcelona ដែលបច្ចុប្បន្នកំពុងខ្ចីជើងឲ្យទៅ Bayern Munich។
នាបញ្ចប់រដូវកាល ២០១៩/២០ កុងត្រាខ្ចីជើងខ្សែប្រយុទ្ធស្លាបប្រេស៊ីលនឹងត្រូវបញ្ចប់ ហើយមានភាគរយខ្ពស់ក៏អាចនឹងផ្លាស់មក Inter Milan លើលក្ខខណ្ឌដោះដូរក្នុងការនាំយក Lautaro Martinez មកកាន់ទឹកដី Camp Nou។
ប្រសិនការចរចាខាងលើបរាជ័យ នោះក៏មានក្រុមនៅអង់គ្លេស ២ ផ្សេងទៀតរួមមាន Man Utd និង Chelsea ក៏ចាប់អារម្មណ៍ចង់ខ្ចីជើងអតីតកូនហង្សរូបនេះមកផងដែរ។
គួររំឭកថា Coutinho នារដូវកាល ២០១៩/២០ រកបាន ៨ គ្រាប់និង Assist ៦ លើកហើយនៅ ២២ ប្រកួតសរុបឲ្យ Bayern នៅលីគ Bundesliga៕ ប្រភព៖ AF