ល្អ​មែន Man Utd ​នឹង​បើក​ប្រាក់​ខែ​ធម្មតា​ឱ្យ​បុគ្គលិក អំឡុង​សម្រាក​ដោយ Covid-19 ​

​ក្លឹប Manchester United ​បាន​ប្រកាស​ថា​នឹង​បើក​ប្រាក់​ឈ្នួល​ធម្មតា​ឱ្យ​បុគ្គលិក ​និង​កីឡាករ​ទាំង​អស់​ចំនួន​៣​ពាន់​នាក់ ​អំឡុង​ពេល​សម្រាក​ដោយសារ​តែ Covid-19 ​នេះ​។

​លីគ​នៅ​អង់គ្លេស ​ទាំង​អស់​នឹង​ត្រូវ​ផ្អាក​មិន​មាន​ការ​ប្រកួត​នោះ​ទេ ​រហូត​ដល់​ថ្ងៃ​ទី​៣០​ខែ​មេសា​ឆ្នាំ​២០២០​ខាង​មុខ​នេះ ទើប​ធ្វើ​ការ​សម្រេច​ជា​ថ្មី​ម្ដង​ទៀត។ ​យ៉ាងណាមិញ ​សម្រាប់​ក្រុម​បិសាច​ក្រហម ​មិន​ធ្វើ​ឱ្យ​បុគ្គលិក​ពិបាក​ចិត្ត​នោះ​ទេ ​បើ​ទោះជា​មិន​មាន​សកម្មភាព​អ្វី​ទាំង​អស់​មែន ប៉ុន្តែ​ពួកគេ​នៅ​តែ​បើក​ប្រាក់​ខែ​ឱ្យ​បុគ្គលិក​ប្រមាណ​៣​ពាន់​នាក់​នោះ ​ជា​ធម្មតា​ដដែល។

​រំលឹក​ថា​នៅ​ចក្រភព​អង់គ្លេស​នា​ពេល​នេះ ​ទាំង​កន្លែង​កម្សាន្ត ​និង​ការ​ជួបជុំ​នានា ត្រូវ​បាន​ផ្អាក​ទាំង​អស់​ហើយ។ ​ខណៈ​ដែល​មនុស្ស​ជាង​៣​ពាន់​នាក់​បាន​ឆ្លង​មេរោគ​នេះ និង​១៧៧​នាក់​ទៀត​បាន​ស្លាប់​៕ប្រភព៖ BBC

ភ្ជាប់ទំនាក់ទំនងជាមួយ CTS SPORT