Mats Hummel បានជជែកប្រាប់សារព័ត៌មានជុំវិញស្ថានភាពបច្ចុប្បន្ននៅ Borussia Dortmund និងខ្លះៗអំពីការដឹកនាំរបស់អ្នកចាត់ការកំពូលនារយៈពេល ១០ ឆ្នាំចុងក្រោយ។
Hummels បានប្រាប់នៅកិច្ចសម្ភាសន៍ 11freunde ថា៖ “រដូវកាលនេះយើងបានតតាំងប្រកួតល្អៗជាច្រើន ដូចជាការប៉ះ Inter, Barcelona, PSG និង Galdbach នៅ Bundesliga ផ្ទាល់ ហើយការមកដល់ក្លឹបលើកនេះគឺជាពេលមួយដែលខ្ញុំមានអារម្មណ៍ថារាល់ពេលត្រលប់ទៅផ្ទះ រមែងមានអារម្មណ៍ថាអស្ចារ្យរីករាយបំផុត”។
ខ្សែការពាររូបនេះ បានបន្តនិយាយរៀបរាប់ពីលោក Klopp ថា៖ “Klopp គាត់គឺល្អបំផុត ដោយសម្រាប់ខ្ញុំ គឺគាត់និងលោក Pep Guardiola ជាអ្នកចាត់ការល្អដាច់គេនៅរយៈពេល ១០ ឆ្នាំចុងក្រោយ ស្របពេលដែល Pep គាត់មានបច្ចេកទេសដឹកនាំអស្ចារ្យ រីឯ Klopp ប្រសព្វខាងបំផុសចិត្តគំនិតមនុស្សខុសពីអ្នកដទៃ”។
រំឭកថា Hummels បង្ហាញខ្លួនរដូវកាល ២០១៩/២០ នេះ បាន ៣៣ ប្រកួតសរុប រកបាន ១ គ្រាប់និង Assist ៣ លើកចូលរួមចំណែកយ៉ាងសកម្មទាំងនៅ Bundelisga និង UCL តែសោកស្តាយដែលខកខានក្នុងការឆ្លងទៅកាន់វគ្គ ៨ ក្រុមចុងក្រោយ៕
ប្រភព៖ AF