លោក Mino Raiola ដែលជាភ្នាក់ងារទីផ្សារកីឡាករម្នាក់ បានអះអាងថានៅរដូវក្ដៅខាងមុខនេះ លោកនឹងនាំយកកីឡាករឆ្នើមបំផុតម្នាក់ ទៅលេងនៅក្រុម Real Madrid ។
បុរសសញ្ជាតិហុល្លង់ខាងលើនេះ គឺជាភ្នាក់ងារទីផ្សារកីឡាករជាច្រើននាក់ រួមទាំង Paul Pogba និង Erling Haaland ផងដែរ។ ខណៈដែលក្រុមរបស់លោក Zidane បានព្យាយាមទិញយក Pogba ពីក្រុម Man Utd ជាច្រើនលើកកាលពីរដូវកាលមុន ប៉ុន្តែលទ្ធផលផ្ទេរមកលេងនៅអេស្ប៉ាញគឺមិនជោគជ័យនោះទេ
ដោយឡែកស្រាប់តែពេលនេះ លោក Raiola បែរជាចេញមកបញ្ជាក់ថានឹងនាំកីឡាករឆ្នើមទៅ Real Madrid ឱ្យបាននៅរដូវក្ដៅនេះទៅវិញ។ វាអាចជាសញ្ញាល្អមួយសម្រាប់អ្នកគាំទ្រក្រុមអធិរាជសមិនខាន ត្បិតអីពួកគេបច្ចុប្បន្នកំពុងខ្វះខាតខ្សែប្រយុទ្ធស្រាប់។ ដោយបច្ចុប្បន្នលោក Zidane ប្រើប្រាស់តែកីឡាករក្មេងៗប៉ុណ្ណោះ ដោយ Bale តែងតែអង្គុយកៅអីបម្រុងជានិច្ច៕ប្រភព៖ Marca
