តាមសារព័ត៌មាន AS បានចុះផ្សាយថាក្លឹប Real Madrid ហាក់នឹងកំពុងចាប់ចិត្តក្នុងការនាំយកត្រលប់មកវិញនូវកីឡាករ Achraf Hakimi របស់ក្លឹប Borussia Dortmund ដែលស្ថិតនៅលក្ខខណ្ឌខ្ចីជើងត្រៀមបញ្ចប់នៅចុងរដូវកាល ២០១៩/២០ នេះ។
ខ្សែការពារក្រោយរូបនេះ បានចាយពេល ២ រដូវកាលនៅលក្ខខណ្ឌខ្ចីជើងនៅ Dortmund ហើយបានអភិវឌ្ឍខ្លួនយ៉ាងឆាប់រហ័ស ជ្រាបក្នុងនាមជាខ្សែការពារវ័យក្មេងល្អបំផុតមួយនៅអឺរ៉ុប។ ហេតុផលនេះហើយធ្វើឲ្យលោក Zinedine Zidane បានសម្លឹងមើលឃើញ Harkimi នឹងចង់បានរូបគេមកចូលរួមក្នុងផែនការណ៍ដឹកនាំនារដូវកាល ២០២០-២១។
យ៉ាងណាមិញក៏មានបញ្ហាបារម្ភមួយថាក្លឹបអាចនឹងរាំងស្ទះការឡើងជើងរបស់ Hakimi ប្រសិនយករូបគេមកហើយ មិនសូវបានលេងពេញជើងដូចជម្រើសដំបូងឯទៀតនោះ។
គួរបញ្ជាក់ថាយុវជនវ័យ ២១ ឆ្នាំធ្លាប់បាននិយាយច្បាស់ៗថាប្រសិន Real Madrid ដែលប្រៀបដូចជាផ្ទះរបស់ខ្លួនមិនព្រមយកទេនោះ អ៊ីចឹងការផ្លាស់ទៅក្លឹបផ្សេងក៏រូបគេមិនបដិសេធនោះដែរ៕
ប្រភព៖ AF