គណៈកម្មការរៀបចំការប្រកួតបាល់ទាត់កម្ពុជា(CNCC)បានប្រកាសជាផ្លូវការនៅថ្ងៃនេះថា ការប្រកួតពានរង្វាន់ Metfone Cambodian League រដូវកាល២០២០ និងពានរង្វាន់ Hun Sen Cup លើកទី១៤ឆ្នាំ២០២០នេះនឹងត្រូវផ្អាកការប្រកួតជាបណ្ដោះអាសន្នដោយសារការរីករាលដាលនៃជំងឺ Covid-19 ដែលកំពុងតែកើនឡើងនៅកម្ពុជា។
ក្នុងន័យនេះ! CNCC បាននិយាយថា៖” ការប្រកួតក្នុងពានរង្វាន់សម្ដេច ហ៊ុន សែន ចាប់ពីវគ្គ១/៤ផ្ដាច់ព្រ័ត្រថ្នាក់ខេត្ត និងពានរង្វាន់ Metfone Cambodian League ចាប់ពីសប្ដាហ៍ទី៦ លេខរៀងប្រកួតទី៣១ រហូតដល់បញ្ចប់ការប្រកួតជើងទីមួយឆ្នាំ២០២០នឹងធ្វើការពន្យារពេលជាបណ្ដោះអាសន្នសិនហើយ”។
ចំណែកកាលបរិច្ឆេទថ្មីសម្រាប់ការប្រកួតឡើងវិញនៃពានរង្វាន់ទាំងពីរ គណៈកម្មការរៀបចំការតប្រកួតបាល់ទាត់កម្ពុជានឹងប្រកាសនៅពេលក្រោយទៀត៕