ក្រុម FC Barcelona នឹងក្លាយជាជើងឯក La Liga នារដូវកាលនេះតែម្ដង ប្រសិនបើអេស្ប៉ាញបិទរដូវកាលត្រឹមពេលនេះ មិនអាចបន្ដទៀតបាន ព្រោះខ្លាចឆ្លង Covid-19 ។
ក្រុមអ្នកមានបុណ្យលើសត្រឹម២ពិន្ទុប៉ុណ្ណោះពីក្រុមលេខ២ Real Madrid ខណៈដែលការប្រកួតនៅសល់ច្រើនប្រកួតបន្ដទៅមុខទៀត។ តែលីគនេះត្រូវបានផ្អាកទាំងស្រុងហើយ ក្រោយពីអេស្ប៉ាញកំពុងឆ្លងរោគ Covid-19 ខ្លាំង ដែលតម្រូវឱ្យកម្មវិធីនានាត្រូវបានផ្អាកបណ្ដោះអាសន្នសិន។ ការផ្អាកនេះ មានរយៈពេលដល់ថ្ងៃទី៣ខែមេសាឆ្នាំ២០២០ខាងមុខ ទើបមានការប្រកាសជាថ្មី។
ដោយឡែកប្រសិនបើលីគមិនអាចបន្ដទៅមុខទៀតបានទេ នោះក្រុមជើងឯកនារដូវកាលនេះ នឹងក្លាយទៅលើក្រុម FC Barcelona ជាមិនខាន។ យ៉ាងណាមិញ ប្រសិនបើបញ្ឈប់ត្រឹមនេះមែន នោះក្រុមមួយចំនួនអាចមិនព្រមនោះទេ ជាពិសេសក្រុមនៅតំបន់កាត់ចោល និងក្រុមប្រជែងកៅអី Champions League ជាដើម៕ប្រភព៖ Dailymail
