ក្លឹបបាល់ទាត់ Espanyol បានបញ្ជាក់ថាបុគ្គលិកនិងកីឡាករ៦នាក់ ត្រូវបានធ្វើតេស្ដវិជ្ជមានមេរោគ Covid-19 ទៅហើយ ខណៈដែលអ្នកដទៃទៀតតម្រូវឱ្យនៅដាច់ដោយឡែកសិន។ក្រុម Valencia ទើបតែប្រកាសកាលពីម្សិលមិញថាបុគ្គលិកនិងកីឡាករក្នុងក្រុមរបស់ខ្លួនរហូតដល់៣៥%ទៅហើយ ផ្ទុកមេរោគ Covid-19 ។ ខណៈដែលពេលនេះ ក្លឹប Espanyol វិញម្ដង ក៏ប្រកាសពីការរកឃើញមេរោគក្នុងក្លឹបខ្លួនផងដែរ។ ពួកគេបានបញ្ជាក់ថាមនុស្ស៦នាក់ ទាំងបុគ្គលិកនិងកីឡាករក្នុងក្រុម បានឆ្លងមេរោគនេះ។
បច្ចុប្បន្នលីគរបស់អេស្ប៉ាញបានផ្អាកសិនទៅហើយ រហូតដល់ដើមខែមេសា ទើបមានសេចក្ដីប្រកាសម្ដងទៀត។ កីឡាករទាំងអស់ត្រូវបានតម្រូវឱ្យស្នាក់នៅក្នុងផ្ទះ មិនឱ្យចាកចេញទៅណានោះទេ ដោយបន្ដហ្វឹកហាត់ខ្លួន។ យ៉ាងណាមិញក៏ដោយ វិធានការនេះ ហាក់មិនទាន់សភាពការទេ ព្រោះពេលនេះ ក្លឹប២គឺ Valencia និង Espanyol រាយការណ៍ពីកីឡាករខ្លួនមានឆ្លងមេរោគទៅហើយ៕
ប្រភព៖ Marca