• Pogba ​៖ជ័យជម្នះ​លើ បែលហ្សិក ​ខ្ញុំ​សូម​ផ្ញើ​ឱ្យ​ក្មេង​ៗ​ដែល​ជាប់​ក្នុង​រូង​ភ្នំ​នៅ​ប្រទេស​ថៃ

    Paul Pogba ​សូម​យក​ជ័យ​ជម្នះ​លើ​ក្រុម​បែលហ្សិក ១-០ ​កាល​ពី​យប់មិញ​នេះ ​ផ្ញើ​ឱ្យ​ក្មេង​ទាំង​១២​និង​គ្រូ​បង្វឹក​ម្នាក់ ​ដែល​ទើប​តែ​យក​ចេញ​ពី​រូង​ភ្នំ​ Tham Luang ​ប្រទេស​ថៃ។

    រឿង​ក្មេងៗ​ក្នុង​ក្រុមបាល់ទាត់​ជ្រូក​ព្រៃ​១២​និង​គ្រូ​បង្វឹក​ម្នាក់​ ដែល​ជាប់​ក្នុង​រូង​ភ្នំ​Tham Luang  ​ប្រទេស​ថៃ ​កំពុង​តែ​ល្បីល្បាញ​យ៉ាង​ខ្លាំង។ រហូត​ដល់​កីឡាករ​ល្បី​ៗ​លើ​លោក​នេះ ​បាន​ផ្ញើ​សារ​លើក​ទឹក​ចិត្ត​ពួកគេ ​ថែម​ទៀត​ផង។ ​យ៉ាងណាមិញ ​ពួកគេ​ត្រូវ​បាន​សង្គ្រោះ​ពី​រូង​ភ្នំ​ដោយ​សុវត្ថិភាព​ហើយ ប៉ុន្តែ​ត្រូវ​សម្រាក​ព្យាបាល​នៅ​មន្ទីរពេទ្យ​សិន ​ដើម្បី​តាម​ដាន​សុខភាព។

    ជា​ការ​លើក​ទឹក​ចិត្ត​ដល់​ក្មេង​ៗ​ទាំង​នោះ Pogba ​ខ្សែ​បម្រើ​របស់​បារាំង ​បាន​និយាយ​ថា​៖ “ជ័យជម្នះ​របស់​បារាំង​នៅ​រាត្រី​នេះ ​គឺ​ផ្ញើ​ទៅ​ក្មេង​ៗ​ដ៏​អស្ចារ្យ​នៅ​ប្រទេស​ថៃ។ ពិត​ជា​ធ្វើ​បាន​ល្អ​ណាស់ ​ប្អូន​ៗ អ្នក​ពិត​ជា​ខ្លាំង​ពូកែ​មែន”។ ​នេះ​ស​បញ្ជាក់​ថា ​កីឡាករ​លេង​នៅ Man Utd ​ពិត​ជា​សរសើរ​ចំពោះ​ការ​សហការ​គ្នា​យ៉ាង​ល្អ​របស់​ក្មេង​ៗ​ទាំង​១២​នាក់​និង​គ្រូ​បង្វឹក​ម្នាក់ អាច​រស់​នៅ​ក្នុង​រូប​ភ្នំ​បាន​៩​ថ្ងៃ ​ដោយ​អត់​អាហារ។

    មិន​ត្រឹម​តែ​កីឡាករ​ប៉ុណ្ណោះ​ទេ សហព័ន្ធ​កីឡា​បាល់ទាត់​អន្តរជាតិ FIFA ​ក៏​បាន​អញ្ជើញ​ក្រុម​បាល់ទាត់​ជ្រូក​ព្រៃ​ខាង​លើ ​មក​មើល​ការ​ប្រកួត​ផ្ដាច់ព្រ័ត្រ FIFA World Cup 2018 ​នៅ​ប្រទេស​រុស្ស៊ី ប្រសិន​បើ​ពួកគេ​អាច​ជា​សះស្បើយ​ទាន់​ពេល​វេលា៕ប្រភព៖ Channelnewsasia

     

    ភ្ជាប់ទំនាក់ទំនងជាមួយ CTS SPORT