ក្លឹប Juventus បានប្រកាសថាខ្សែបម្រើ Blaise Matuidi បានឆ្លងរោគ Covid-19 ហើយ ក្រោយពីធ្វើតេស្ដរកឃើញវិជ្ជមានមេរោគនេះ។កីឡាករវ័យ៣២ឆ្នាំខាងលើនេះ បានស្នាក់នៅដោយឡែក ប៉ុន្តែបែរជាមានអាការៈមិនស្រួលខ្លួន។ រូបគេបានរាយការណ៍ទៅក្លឹបដើម្បីបញ្ជាក់ពីស្ថានភាព ហើយក្រោយពីពិនិត្យទៅ ទើបរកឃើញថារូបគេមានវិជ្ជមាន Covid-19 ទៅហើយ។ នេះជាកីឡាករទី២របស់ក្រុម Juventus ដែលឆ្លងមេរោគកាចសាហាវនេះ ក្រោយពីខ្សែការពារ Daniele Rugani ឆ្លងរោគកាលពីសប្ដាហ៍មុន។
រំលឹកថានៅលីកអ៊ីតាលី មានកីឡាករច្រើននាក់ហើយឆ្លងមេរោគនេះ ខណៈដែលលីគនេះនឹងផ្អាករហូតដល់ដើមខែមេសាឆ្នាំ២០២០ទើបធ្វើការសម្រេចម្ដងទៀត៕
ប្រភព៖ BBC