ជានិច្ចកាលបើនិយាយអំពីប្រព័ន្ធកីឡាករដែលមានតម្លៃថ្លៃបំផុតក្នុងលោក កន្លងទៅរមែងមានឈ្មោះក្លឹប Manchester City នៅខាងលើគេបង្អស់។ ប៉ុន្តែតាមការស្រាវជ្រាវរបាយការណ៍ចុងក្រោយពី CIES គឺបង្ហាញឲ្យឃើញថាមិនមែនជាក្លឹបមេឃខៀវទៀតនោះទេ ផ្ទុយទៅវិញបែរជាធ្លាក់លើហង្សក្រហម Liverpool ឯណោះ។
ប្រព័ន្ធកីឡាករនៃក្លឹបទាំងមូលរបស់ Liverpool តាមហាងឆេងបច្ចុប្បន្នបានឡើងដល់ ១,៤ ពាន់លានអឺរ៉ូ យកឈ្នះលើក្លឹប Man City មានតម្លៃត្រឹម ១,៣ ពាន់លានអឺរ៉ូ។
ខាងក្រោម CTS Sports បង្ហាញពីប្រព័ន្ធកីឡាករនៃក្លឹបទាំង ៦ មានតម្លៃថ្លៃបំផុតក្នុងលោក៖
- Liverpool – ១,៤ ពាន់លានអឺរ៉ូ
- Man City – ១,៣ ពាន់លានអឺរ៉ូ
- Barcelona – ១,១ ពាន់លានអឺរ៉ូ
- Real Madrid – ១,០៨ ពាន់លានអឺរ៉ូ
- Chelsea & Man Utd – ១,០៧ ពាន់លានអឺរ៉ូ