កីឡាករ Bruno Fernandes បានបញ្ជាក់ថាខ្សែប្រយុទ្ធ Cristiano Ronaldo គឺជានិមិត្តរូបរបស់គេ ក្នុងនាមជាកីឡាករបាល់ទាត់ល្អម្នាក់នៅលើលោកនេះ។
Bruno កំពុងបង្ហាញសមត្ថភាពលេចធ្លោខ្លាំងមែនទែនក្នុងក្រុមបិសាចក្រហម Manchester United ។ តាំងពីវត្តមានរបស់គេចូលក្រុមនៅខែមករាមក ក្រុម Man Utd បានប្រែជាក្រុមថ្មីមួយ មានទម្រង់លេងល្អប្រសើរ និងទទួលបានលទ្ធផលល្អសឹងគ្រប់ប្រកួត។ ខណៈដែលកីឡាករព័រទុយហ្គាល់រូបនេះ ក៏ទើបឈ្នះពានកីឡាករឆ្នើមប្រចាំខែកុម្ភៈផងដែរ។
អតីតកីឡាករ Sporting ខាងលើបាននិយាយដូច្នេះថា៖ “Ronaldo ក៏ជាចំណែកខ្ញុំមក Old Trafford ដែរ។ គាត់ជា Idol របស់ខ្ញុំ។ គាត់បានណែនាំខ្ញុំជាច្រើន អំឡុងពេលយើងហ្វឹកហាត់នៅក្រុមជម្រើសជាតិ។ ខ្ញុំបានយកគាត់ជាគំរូមួយ ដែលត្រូវធ្វើតាមក្នុងនាមជាកីឡាករអាជីពម្នាក់”៕ប្រភព៖ Dailymail
