បន្ទាប់ពីកីឡាករ Daniele Rugani ដែលជាខ្សែការពារមួយរូបរបស់ក្លឹប Juventus មានផ្ទុកវីរុស COVID-19 មកទល់ពេលនេះមិត្តស្រីរបស់លោកគឺ Michela Persico ក៏តេស្តឃើញលទ្ធផលវិជ្ជមានដូចគ្នាផងដែរ។
ភាពជិតស្និទ្ធការរស់នៅរបស់អ្នកទាំងពីរ ទំនងជាដើមចមដែលធ្វើឲ្យមានឆ្លងពីបុគ្គលម្នាក់ទៅបុគ្គលម្នាក់។
ដោយតាមការប្រកាសផ្លូវការចេញពីសាមីខ្លួន Persico ផ្ទាល់និយាយថា៖ “ថ្មីៗនេះខ្ញុំទើបតែទទួលបានលទ្ធផលធ្វើតេស្តវិជ្ជមាន ហើយនេះដើម្បីចង់បញ្ជាក់ឲ្យច្បាស់សម្រាប់អ្នករាល់គ្នាដែលធ្លាប់បានទាក់ទងជិតដិតជាមួយខ្ញុំឲ្យបានដឹង និងអ្នកដែលបារម្ភពីស្ថានភាពសុខភាពខ្ញុំ”។
នាងបន្ថែមទៀតថា៖ “ខ្ញុំចង់សង្កត់ធ្ងន់ថាពេលនេះខ្ញុំមិនអីទេ ដោយខ្ញុំនិង Daniele Rugani គឺមានលទ្ធផលវិជ្ជមានដូចគ្នា តែគ្មានរោគសញ្ញាអ្វីឡើយ”៕
ប្រភព៖ AF