ខ្សែប្រយុទ្ធឆ្នើមរបស់ក្លឹប Juventus គឺកីឡាករ Cristiano Ronaldo ត្រូវបានគេរាយការណ៍ថាបានសម្រេចចិត្តរួចជាស្រេចហើយ ថានឹងផ្លាស់ទៅចូលរួមនៅក្លឹប Inter Maimi របស់លោក David Beckham ចាប់ពីរដូវក្តៅឆ្នាំក្រោយតទៅ។
បើតាមសារព័ត៌មាន Don Balon បានចុះផ្សាយ បុរសវ័យ ៣៥ ឆ្នាំ ដែលរកបាន ២១ គ្រាប់នៅ Serie A រដូវកាលនេះ ត្បិតបើសេសសល់កុងត្រាដល់បញ្ចប់រដូវកាល ២០២១-២២ ក្តី ប៉ុន្តែរូបលោកគិតចង់ចាកចេញត្រឹមឆ្នាំបន្ទាប់ពោលគឺរដូវក្តៅបញ្ចប់រដូវកាល ២០២០-២១ នឹងធ្វើការផ្លាស់ចេញទៅកាន់លីគ MLS ហើយ។
ប្រភពបន្តថាភាគរយនៃការផ្លាស់ចេញនេះ គឺនឹងកាន់តែខ្ពស់ឡើងថែមទៀត ប្រសិនណាក្លឹបមានមូលដ្ឋាននៅទីក្រុង Turin បរាជ័យក្នុងការដណ្តើមពានរង្វាន់អឺរ៉ុប UEFA Champions League ដែលលោកខកខានឈ្នះនៅរយៈពេលចុងក្រោយ ពោលចាប់តាំងពីដើរចេញពីក្លឹបចាស់ Real Madrid៕ ប្រភព៖ Sportsmole