សមាគមបាល់ទាត់ FA ត្រូវបានគេរាយការណ៍ថាអាចនឹងលុបចោលព្រឹត្តិការណ៍ FA Cup រដូវកាល ២០១៩/២០ ដែលឈានមកដល់ពាក់កណ្ដាលផ្លូវនេះចោល ឆ្លើយតបទៅនឹងការព្រួយបារម្ភនៃវីរុស COVID-19។ នេះបើតាមសារព័ត៌មាន Mirror បានចុះផ្សាយ។
បច្ចុប្បន្នគ្រប់លីគនៅតំបន់អឺរ៉ុបបានលើកពេល និងខ្លះលេងដោយគ្មានអ្នកទស្សនា បន្ទាប់ពីភ័យខ្លាចការរាតត្បាតដ៏ឆាប់រហ័សនៃវីរុសកូរ៉ូណា។
ចំពោះ FA Cup ដែលឈានមកដល់វគ្គ ៨ ក្រុមចុងក្រោយទៅហើយនោះ អាចនឹងត្រូវលុបចោលពាក់កណ្តាលទី ណាមួយដើម្បីទុកចន្លោះពេលឲ្យក្លឹបបាល់ទាត់ដែលសេសសល់ប្រកួតទៅបញ្ចប់ការប្រកួតឲ្យតាមការកំណត់នៅ Premier League និង Champions League ដែលជាពានសំខាន់បំផុតប្រចាំរដូវកាល។
មកទល់រសៀលថ្ងៃទី ១៦ មិនា ឆ្នាំ ២០២០ នេះ ករណីអ្នកឆ្លងវីរុស COVID-19 នៅប៉ែកខាងអឺរ៉ុប បានបន្តផ្ទុះរាតត្បាតកាន់តែខ្លាំងឡើង ខណៈនៅប្រទេសចិនដែលជាប្រភពផ្ទុះវីរុស ហាក់មានការទប់ស្កាត់ក្នុងលទ្ធផលល្អមួយជាបណ្តើរៗហើយ៕
ប្រភព៖ Goal