ក្រុម Real Madrid មានគម្រោងទិញយកខ្សែប្រយុទ្ធ Sadio Mane នារដូវក្ដៅខាងមុខនេះ ក្នុងតម្លៃខ្លួនប្រមាណជា១៤០លានផោន។
លោក Zidane ចាប់អារម្មណ៍លើ Mane តាំងពីរដូវកាលមុនមក ប៉ុន្តែមិនអាចទិញយកបាន ព្រោះក្រុមរបស់លោក Klopp មិនព្រមលក់ទាល់តែសោះ។ យ៉ាងណាមិញ នារដូវក្ដៅខាងមុខនេះទៀត ក្រុម Real Madrid នៅតែស្រលាញ់លើសមត្ថភាពរបស់កីឡាករសេណេហ្គាល់នេះដដែល។ ពួកគេរំពឹងថានឹងយកកីឡាករវ័យ២៧ឆ្នាំនេះបាន ក្នុងតម្លៃខ្លួន១៤០លានផោន ខណៈដែលកុងត្រារូបគេនៅក្រុមហង្សក្រហមសល់៣ឆ្នាំ។
Mane ជាផ្នែកសំខាន់សម្រាប់ក្រុម Liverpool ប៉ុន្មានរដូវកាលមកនេះ។ រូបគេតែងតែអាចជួយក្រុមបង្កើតឱកាស និងរកគ្រាប់បាល់បានជានិច្ច។ ជាក់ស្ដែង រដូវកាលនេះ រូបគេរកបាន១៨គ្រាប់ និងបញ្ជូនបាល់ឱ្យមិត្តរួមក្រុមបាន១២ដងមកហើយ ក្នុងការបង្ហាញខ្លួន៣៨ប្រកួត៕ប្រភព៖ Dailymail