ក្របខណ្ឌ La Liga របស់អេស្ប៉ាញ បានផ្អាកការប្រកួតរហូតដល់ដើមខែមេសាឆ្នាំ២០២០ខាងមុខនេះ ដើម្បីតាមដានស្ថានភាពមេរោគ Covid-19 ក្នុងប្រទេស។
ការផ្អាកនេះដែរ គឺមានផលល្អសម្រាប់ក្រុមណាដែលកំពុងមានកីឡាកររបួសច្រើន។ ជាក់ស្ដែង Real Madrid បើធៀបជាមួយ Barcelona គឺពួកគេនឹងទទួលបានឱកាសល្អជាង។ Real Madrid បានរបួស Hazard , Marcelo និង Thibaut Courtois ដោយពួកគេត្រូវការពេលប៉ុន្មានសប្ដាហ៍ទៀតទើបអាចចូលលេងបាន។ ដូច្នេះសម្រាប់ការផ្អាកនេះ នឹងធ្វើឱ្យក្រុមមានឱកាសព្យាបាលពួកគេ ហើយរំពឹងថានឹងជាទាន់ពេលវេលា ចូលលេងវិញ។
មិនត្រឹមតែ La Liga នោះទេ លីគដទៃទៀតនៅអឺរ៉ុបក៏បានផ្អាកការប្រកួតសិនដែរ។ រួមទាំង UEFA Champions League ផងដែរ ត្រូវផ្អាកសិន មិនទាន់រកឃើញថ្ងៃត្រលប់មកវិញនោះទេ៕ប្រភព៖ Marca
