Vinicius Junior បាននិយាយកន្លងទៅនេះជុំវិញមូលហេតុដែលជ្រើសរើសយកក្លឹប Real Madrid និងបដិសេធសំណើក្លឹប Barcelona កាលពីឆ្នាំ ២០១៧ កន្លងទៅ។
ត្បិតជាការសម្រេចចិត្តដ៏លំបាកមួយ តែយុវជនសញ្ជាតិប្រេស៊ីលរូបនេះបាននិយាយយ៉ាងខ្លីថាខ្លួនសម្រេចចិត្ត ផ្អែកលើការគិតពីក្រុមដែលយល់ថាជាក្រុមល្អបំផុតក្នុងលោក នោះគឺ Real Madrid។
ប្រាប់ FourFourTwo កីឡាករដែលមានតម្លៃខ្លួន ៤៦ លានអឺរ៉ូនិយាយ៖ “វាជារឿងត្រឹមត្រូវបន្ទាប់ពីខ្ញុំត្រលប់មកវិញនាឆ្នាំ ២០១៧ នៅការប្រកួត South American Championship U17 ក្នុងប្រទេសឈីលី ដោយកាលនោះគឺមានទាំង Real Madrid និង Barcelona ដែលបានដាក់សំណើ ហើយខ្ញុំប្រើពេលតែ ៣ ថ្ងៃប៉ុណ្ណោះក្នុងការសម្រេចចិត្ត”។
យុវជនរូបនេះបន្ថែម៖ “ខ្ញុំតែងតែចង់លេងនៅក្លឹបល្អបំផុតក្នុងលោក បែបនេះហើយទើបខ្ញុំជ្រើសរើសយក Real Madrid”៕
ប្រភព៖ AF