ក្រុមទាំង២០នឹងត្រូវចូលប្រជុំនៅល្ងាចនេះ ដើម្បីស្វែងរកដំណោះស្រាយសមស្របមួយក្នុងការប្រកួតលីគកំពូលអង់គ្លេស English Premier League នារដូវកាលនេះ។
លោក Arteta អ្នកចាត់ការក្រុម Arsenal បានឆ្លងរោគ Covid-19 ខណៈដែលកីឡាករ Callum Hudson-Odoi សមាជិកម្នាក់នៃក្រុមឈុតធំរបស់ Chelsea ក៏រកឃើញថាមានផ្ទុកមេរោគនេះផងដែរ។ កីឡាករ Leicester City និង Man City ត្រូវបានដាក់ដោយឡែកសិន រង់ចាំលទ្ធផលស្វែងរកមេរោគ Covid-19 ទៀត។ បញ្ហាទាំងអស់នេះហើយ ធ្វើឱ្យអ្នករៀបចំលីគអង់គ្លេសឈឺក្បាលខ្លាំងមែនទែន។
ពួកគេបានកោះហៅតំណាងក្លឹបទាំង២០នៅ Premier League ប្រជុំបន្ទាន់នៅល្ងាចនេះ ដើម្បីរកដំណោះស្រាយ ថាត្រូវបិទលីគសិន ឬផ្អាកការប្រកួតណាខ្លះ។ នៅពេលនេះ លីគអ៊ីតាលីបានប្រកាសផ្អាក បារាំងលេងដោយគ្មានអ្នកគាំទ្រ អេស្ប៉ាញ ផ្អាក២សប្ដាហ៍ និងអាល្លឺម៉ង់ក៏កំពុងពិចារណាផងដែរ៕ប្រភព៖ Dailymail
