ខ្សែប្រយុទ្ធ Cristiano Ronaldo បានប្រកាសចាកចេញពីក្លឹប Real Madrid ទៅលេងឱ្យ Juventus ហើយ បន្ទាប់ពីចរចាត្រូវគ្នាតម្លៃ១០០លានអឺរ៉ូ និងទទួលបានប្រាក់ឈ្នួល៥សែនផោន ១សប្ដាហ៍ ក្នុងរយៈពេល៤ឆ្នាំ។
ការចាកចេញរបស់កីឡាករឆ្នើមបំផុតលើលោកនេះ នឹងធ្វើឱ្យក្លឹប Real Madrid ត្រូវស្វែងរកកីឡាករថ្មីមកជំនួសតំណែង ដើម្បីស្ដាប្រជាប្រិយមិត្តភាពរបស់ខ្លួនទៀត។ ដូច្នេះតើ នរណាទៅ សក្ដិសមជាខ្សែប្រយុទ្ធជួរមុខរបស់ Real Madrid នៅរដូវកាលក្រោយ?
១ Neymar
ក្លឹប Real Madrid បានតាមទិញ Neymar តាំងពី Ronaldo មិនទាន់ចាកចេញម្ល៉េះ។ ដូច្នេះហើយ នៅពេល Ronaldo ចាកចេញទៀតនោះ ក្លឹបអាចនឹងកាន់តែសម្រុកទិញឱ្យបានថែមទៀត។ តម្លៃខ្លួនរបស់ Neymar អាចនឹងមិនក្រោម២០០លានអឺរ៉ូឡើយ ប្រសិនបើ Real ចង់បានរូបគេពី PSG ។
២ Kylian Mbappe
Kylian Mbappe ជាអ្នកគាំទ្រស្មោះស្ម័គ្ររបស់ Ronaldo តាំងពីតួចមកម្ល៉េះ។ រូបគេធ្លាប់និយាយកាលមិនទាន់ល្បីថាចង់លេងឱ្យក្លឹប Real Madrid នៅថ្ងៃណាមួយ។ ការបង្ហើបនេះ តាំងពីមិនទាន់ល្បីឈ្មោះ ប៉ុន្តែក្រោយពី PSG ទិញយកបាន រូបគេបែរជានិយាយថាសប្បាយចិត្តនៅទឹកដីបារាំង។
៣ Eden Hazard
Eden Hazard ជាកីឡាករម្នាក់បាននិយាយចេញពីមាត់តែម្ដងថាខ្លួនចង់ទៅលេងនៅក្លឹប Real Madrid ។ ខ្សែបម្រើប្រយុទ្ធរបស់ក្លឹប Chelsea រូបនេះ ក៏មានដំណឹងថាក្រុម Real ចង់បានដែរ ប៉ុន្តែកាលពីរដូវកាលមុន Chelsea ដាក់តម្លៃខ្លួនខ្ពស់ពេក ទើបមិនអាចដំណើរផ្ទេរបាន។
៤ Harry Kane
Kane ជាខ្សែប្រយុទ្ធកណ្ដាល ដែលអ្នកគាំទ្រជាច្រើនចង់ឃើញរូបគេលេងនៅក្លឹប Real Madrid ។ កីឡាករលេងនៅ Spurs ម្នាក់នេះ ក៏មានចិត្តចង់ទៅអេស្ប៉ាញដែរ ប្រសិនបើមានឱកាស៕ប្រភព៖ DailyMail