លោក Ole Gunnar Solskjaer អ្នកចាត់ការក្រុម Manchester United យល់ថាជាគំនិតល្អមួយដែរ សម្រាប់ការកាត់ការប្រកួតខ្លះនារដូវកាលនេះ ដើម្បីការពារការឆ្លង Covid-19 ។
ការប្រកួត Europa League វគ្គ១៦ក្រុមចុងក្រោយ នឹងចាប់ផ្ដើមលេងនៅរាត្រីនេះហើយ ខណៈ ដែលការប្រកួតមួយចំនួនបានផ្អាកសិន ព្រោះខ្លាចមេរោគ Covid-19 ។ ដោយឡែកសម្រាប់ការប្រកួតរវាងក្រុម LASK និង Manchester United នៅរក្សាការប្រកួតដដែល ប៉ុន្តែត្រូវបានកំណត់អ្នកចូលទស្សនាត្រឹមតែ៥០០នាក់ប៉ុណ្ណោះ។ ការកំណត់ចំនួននេះ ធ្វើឡើងដោយរដ្ឋាភិបាលរបស់អូទ្រីសផ្ទាល់តែម្ដង។
ចំពោះការកំណត់ចំនួននិងវិធានការនានាសម្រាប់ការពារមេរោគ Covid-19 ត្រូវបានលោក Ole គាំទ្រពេញទំហឹង។ លោកបានបញ្ជាក់ថាសុខភាពរបស់អ្នកគាំទ្រនិងកីឡាករ គឺជារឿងសំខាន់ ហើយវិធានការការពារទាំងអស់ក៏គូរតែគោរពតាមផងដែរ។ ករណីដែលខ្លាំងមែនទែន ហើយអាចនឹងកាត់រដូវកាលឱ្យខ្លីបន្តិចក៏លោកយល់ថាល្អផងដែរ ដើម្បីធានាឱ្យបានពីសុវត្ថិភាពទាំងអស់គ្នា៕ប្រភព៖ Bbc
