Josie Harris សង្សារចាស់ និងជាម្ដាយកូនទាំង៣នាក់របស់ Floyd Mayweather ត្រូវបានគេប្រទះឃើញដេកស្លាប់ក្នុងឡានរបស់អ្នកស្រី ក្នុងរដ្ឋ California សហរដ្ឋអាមេរិក។
ប៉ូលិសបានរកឃើញអ្នកស្រីស្លាប់ក្នុងឡាន ក្បែរផ្ទះក្នុងតំបន់ Valencia រដ្ឋ California ។ បច្ចុប្បន្នក្រុមអ្នកពិនិត្យកំពុងយកសាកសពទៅពិនិត្យមើល រកដើមហេតុដែលបណ្ដាលឱ្យអ្នកស្រីស្លាប់ក្នុងឡាននេះ។ Floyd បាននាំកូនទាំង៣នាក់គេ ទៅគោរពដល់អ្នកស្រី Harris ផងដែរ ត្បិតអីអ្នកស្រីជាអ្នកផ្ដល់កំណើតដល់កូនទាំង៣នាក់នេះ។
រំលឹកថា Floyd បានរួមរស់ជាមួយ Harris ពីឆ្នាំ១៩៩៥ដល់២០១០។ អ្នកប្រដាល់មិនដែលចាញ់របស់អាមេរិក បានចាប់គុក២ខែ ដោយសារតែរូបគេបានប្រើហិង្សាលើស្ត្រីវ័យ៤០ឆ្នាំដែលជាមិត្តស្រីរបស់ខ្លួននៅឆ្នាំ២០១០ ហើយគ្រានោះពួកគេក៏បានចែកផ្លូវគ្នាតែម្ដង៕ប្រភព៖ Dailymail
