អ្នកចាំទី Oblak បានជួយក្រុម Atletico Madrid ច្រើនមែនទែន ក្នុងការប្រកួតដែលយកឈ្នះលើក្រុម Liverpool បានក្នុងលទ្ធផល ៣-២ កាលពីយប់មិញនេះ។
ក្រុមហង្សក្រហមបានដាក់សម្ពាធខ្លាំងទៅលើក្រុមភ្ញៀវ AT Madrid ព្រោះពួកគេត្រូវការគ្រាប់បាល់ ដើម្បីមានឱកាសឡើងទៅវគ្កបន្ដ។ យ៉ាងណាក៏ដោយ ការព្យាយាមវាយសម្រុកពីសំណាក់ក្រុម Liverpool មិនមានប្រសិទ្ធភាពខ្លាំងទេ ត្បិតអីអ្នកចាំទី Oblak អាចសង្គ្រោះបាល់គ្រោះថ្នាក់បានជាច្រើនគ្រាប់។
សមត្ថភាពសង្គ្រោះបាល់ល្អៗនេះហើយ ធ្វើឱ្យលោក Simeone អ្នកចាត់ការក្រុម Atletico Madrid សរសើរអ្នកចាំទីរបស់ខ្លួនថា៖ “យើងអ្នកចាំទីល្អបំផុតនៅលើលោកនេះ គ្មានអ្វីត្រូវសង្ស័យទេ។ ខ្ញុំបាននិយាយពីគាត់បែបនេះជាច្រើនលើកមកហើយ។ Barcelona មាន Messi លេងតំបន់ប្រយុទ្ធ ហើយយើងក៏មាន Messi ដែរ នៅតំបន់ការពារសំណាញ់ទី។ Oblak ជា Messi អ្នកចាំទី”៕ប្រភព៖ Goal