Mikel Arteta ប្រាកដជាគ្រប់គ្នាបានស្គាល់ហើយថាកន្លងមកគឺជាដៃស្តាំរបស់លោក Pep Guardiola នៅក្លឹប Manchester City មុននឹងដាក់ចិត្តផ្លាស់មកដឹកនាំជាគ្រូធំរបស់ក្លឹប Arsenal កាលពីចុងឆ្នាំ ២០១៩ កន្លងទៅ។
បញ្ជាក់ថ្មីៗនេះលោក Pep ទម្លាយថាខ្លួនធ្លាប់បានសួរពាក្យប៉ុន្មានម៉ាត់ទៅលោក Arteta ហើយដោយមើលឃើញពីឆន្ទៈរបស់សាមីខ្លួនផ្ទាល់ផង លោកមានតែជំរុញថែមឲ្យទៅផ្លាស់ខ្លួនជាអ្នកចាត់ការពេញសិទ្ធមួយរូប។
លោក Pep និយាយ៖ “ខ្ញុំមិនដែលបង្គាប់ឲ្យអតីតបុគ្គលិកឬជំនួយការខ្ញុំធ្វើអ្វីនោះទេ ដោយពួកគេមានមហិច្ឆតាដោយខ្លួនឯង ដូចខ្ញុំបាននិយាយទៅ Mikel សួរថាគេចង់ធ្វើទេ មានចិត្តចង់ទៅដែរទេ? បើមានអ្នកចាំបាច់ត្រូវតែធ្វើវា”។
លោកបន្ថែម៖ “Mikel គេស្រលាញ់ Arsenal ណាស់ គេនៅទីនោះច្រើនឆ្នាំមកហើយ ដោយខ្ញុំមិនមែនជាប្រភេទមនុស្សដែលនិយាយថាទេ អ្នកឯងត្រូវបន្តនៅទីនេះ ពោលគឺខ្ញុំមិនចូលចិត្តបែបហ្នឹងឡើយ”៕ ប្រភព៖ AF