លោក Pep Guardiola អ្នកចាត់ការក្រុម Manchester City បានបញ្ជាក់ថាប្រសិនបើការប្រកួតលេងដោយបិទទ្វា លោកគិតថាគួរផ្អាកការប្រកួតនោះវិញល្អជាង។
ក្របខណ្ឌលីគកំពូលជាច្រើនបានប្រកាសផ្អាកការប្រកួត និងខ្លះទៀតលេងដោយបិទទ្វា ឬកំណត់ចំនួនអ្នកទស្សនា ព្រោះខ្លាចមេរោគ Covid-19 រីគរាលដាល។ ដោយឡែកនៅអង់គ្លេសវិញ ការប្រកួតរវាងក្រុម Manchester City និង Arsenal បានក្លាយជាប្រកួតដំបូងបំផុតដែលត្រូវបានផ្អាក ព្រោះមេរោគ Covid-19 ។
លោក Pep បាននិយាយចំពោះរឿងផ្ទុះមេរោគ Covid-19 បណ្ដាលឱ្យលេងដោយបិទទ្វានិងខ្លះផ្អាកការប្រកួតថា៖ “បើលេងបិទទ្វា១ប្រកួត ឬ២ប្រកួត មិនបញ្ហាទេ ប៉ុន្តែបើច្រើនប្រកួត គួរតែផ្អាកឬលើកពេលវិញល្អជាង។ ខ្ញុំមិនពេញចិត្តឡើយក្នុងការលេងដោយគ្មានអ្នកគាំទ្រ ទាំងនៅ Premier League Champions League ឬ Cup ។ យើងលេងដើម្បីឱ្យអ្នកគាំទ្រមើល ប្រសិនបើពួកគេមិនបានមកមើលផង វាគ្មានន័យអ្វីនោះទេ”៕ប្រភព៖ Dailymail