ការប្រកួតរវាងក្រុម Manchester City និងក្រុម Arsenal ត្រូវផ្អាកសិន ក្រោយពីមានកីឡាករកាំភ្លើងធំមួយចំនួន បានជួបជាមួយបុគ្គលមានផ្ទុកមេរោគ Covid-19 ។
ក្រុមកីឡាករ Arsenal មួយចំនួនបានទៅស្វាគមន៍លោក Evangelos Marinakis ដែលជាម្ចាស់ក្លឹប Olympiacos និង Nottingham Forest កាលពីសប្ដាហ៍មុន។ លោក Marinakis ត្រូវបានគេរកឃើញមានផ្ទុកមេរោគ Covid-19 ហើយបច្ចុប្បន្ននេះអ្នកនៅក្បែរលោកទាំងអស់កំពុងពិនិត្យមើលក្រែងមានឆ្លងមេរោគនេះដែរ។
ដោយសារតែកីឡាករ Arsenal ធ្លាប់ជួបជាមួយលោក Marinakis នេះហើយ ទើបបានជាពេលនេះពួកគេកំពុងពិនិត្យមើលសិន ហើយការប្រកួតរវាងក្រុម Man City និង Arsenal ក៏ត្រូវផ្អាកសិនដែរ រង់ចាំមើលលទ្ធផលតេស្ដកីឡាករកាំភ្លើងធំសិន៕ប្រភព៖ Dailymail