សមាគមបាល់ទាត់អឺរ៉ុប UEFA កំពុងពិចារណាក្នុងផែនការណ៍ផ្អាកការប្រកួតពានរង្វាន់ Champmions League និង Europa League ក្រោយពីចប់សព្វគ្រប់នៃការប្រកួតវគ្គ ១៦ ក្រុមចុងក្រោយនៅពេលខាងមុខនេះ។
សម្រាប់ជើងទី ២ វគ្គ ១៦ ក្រុម នឹងប្រព្រឹត្តិទៅនៅថ្ងៃទី ១២&១៩ មិនា ខណៈ UCL ប្រព្រឹត្តិទៅនៅថ្ងៃទី ១០-១១ & ១៧-១៨ មិនា ២០២០។
យ៉ាងណាមិញតាមប្រភពពី Catalunya Radio បានទម្លាយថា UEFA អាចនឹងផ្អាកការប្រកួតនាវគ្គបន្ទាប់ ដែលឆ្លើយតបទៅនឹងការព្រួយបារម្ភនៃការរីករាលដាល COVID-19។
ប៉ុន្មានប្រកួតនាជើងទី ២ នេះ ដូចជាការលេងនៅទឹកដីអ៊ីតាលី បារាំង និងអាល្លឺម៉ង់ បានកំណត់ឲ្យលេងដោយគ្មានអ្នកចូលរួមទស្សនា ខណៈនៅ Serie A បានលុបចោលការប្រកួតទាំងអស់ហើយពន្យារដល់ខែថ្ងៃទី ៣ មេសា ដើម្បីតាមដានស្ថានភាព។
គួរបញ្ជាក់ថាមកទល់ថ្ងៃទី ១០ មិនា ឆ្នាំ ២០២០ ករណីអ្នកឆ្លងវីរុសផ្លូវដង្ហើមថ្មីកូរ៉ូណាបានកើនឡើងច្រើនជាង ១០ ០០០ ករណីហើយនៅទូទាំងតំបន់អឺរ៉ុប៕
ប្រភព៖ AF