Ronaldinho ត្រូវបានប៉ូលិសនៅប្រទេសប៉ារ៉ាហ្គាយឃាត់ខ្លួន ក្រោយពីប្រើប្រាស់លិខិតឆ្លងដែន ក្លែងក្លាយ ដើម្បីចូលប្រទេសនេះ។
យ៉ាងណាក៏ដោយ ពេលនេះអតីតកីឡាករបាល់ទាត់ល្បីឈ្មោះពាសពេញពិភពលោកខាងលើ កំពុងស្ថិតនៅបន្ទប់ឃុំឃាំងក្នុងប្រទេសប៉ារ៉ាហ្គាយ។ ប៉ុន្តែបើតាមរូបភាពមួយសន្លឹកដែលបង្ហោះនៅលើបណ្ដាញសង្គម Ronaldinho នៅតែអាចញញឹមស្រស់បានដដែល ដោយលោកមិនមានពិបាកចិត្តអ្វីនោះទេ។ ១សន្លឹកនេះ បានធ្វើឱ្យមេធាវីរបស់អតីតកីឡាករ Barcelona ងឿងឆ្ងល់ផងដែរ ថាតើ Ronaldiniho គិតអី ទើបអាចនៅញញឹមបានបែបនេះ។
ប្រសិនបើមិនមានអ្វីប្រែប្រួលទេ កីឡាករដែលជួយប្រេស៊ីលលើកពាន World Cup 2002 ខាងលើនេះ អាចនឹងត្រូវឃុំខ្លួនដល់ទៅ៦ខែឯណោះ ចំពោះបទល្មើសដែលរូបគេប្រើប្រាស់លិខិតឆ្លងដែនក្លែងក្លាយដើម្បីចូលប្រទេសប៉ារ៉ាហ្គាយ៕ប្រភព៖ Dailymail