បន្ទាប់ពីបានពិគ្រោះយោបល់ជាមួយសមាគមដែលជាសមាជិករបស់ទ្វីបអាស៊ី FIFA និងសហព័ន្ធកីឡាបាល់ទាត់អាស៊ី (AFC) យល់ព្រមពន្យាពេលការប្រកួតជម្រុះជុំទី២ ពានរង្វាន់ 2022 FIFA World Cup ដែលមានបីចំណុចដូចខាងក្រោម ៖
- ការប្រកួតទាំងអស់ដែលនឹងត្រូវលេងតាមកាលវិភាគ FIFA Day ចាប់ពីថ្ងៃទី ២៣ដល់៣១ខែមីនាឆ្នាំ២០២០និងថ្ងៃទី ១ដល់៩មិថុនានឹងត្រូវពន្យារពេលនៅថ្ងៃក្រោយទៀត
- FIFA និង AFC នឹងពិភាក្សាបន្ថែមទៀតអំពីព័ត៌មានលម្អិតនៃការពន្យារពេលការប្រកួតទាំងអស់។
ដើម្បីចូលរួមទប់ស្កាត់ការរាលដាលឆ្លងនៃជំងឺប្រភេទថ្មី COVID-19 ដ៏កាចសាហាវ ដែលកំពុងឆ្លងមនុស្សប្រមាណលើសពី១០មុឺននាក់ទៅហើយ ស្របពេលដែលអ្នកស្លាប់កើនឡើងលើសពី៣ពាន់នាក់ជុំវិញពិភពលោក ជាហេតុនាំឲ្យសហព័ន្ធបាល់ទាត់ពិភពលោក (FIFA) និងសហព័ន្ធបាល់ទាត់ទ្វីបអាស៊ី (AFC) បានសម្រេចក្នុងថ្ងៃនេះ លើកពេលការប្រកួតនៃវគ្គជម្រុះជុំទី២ ប្រចាំទ្វីបអាស៊ី ដែលគ្រោងនឹងរៀបចំតាមកាលវិភាគចាស់នៅថ្ងៃទី២៣ ដល់ថ្ងៃទី៣១ ខែមីនា និងថ្ងៃទី០១ ដល់ថ្ងៃទី០៩ ខែមិថុនា ឆ្នាំ២០២០។
សម្រាប់កាលបរិច្ឆេទនៃការប្រកួតថ្មី FIFA និង AFC នឹងសម្រេចនាពេលក្រោយ ក៏ដូចជាការប្រកាសនាពេលក្រោយដូចគ្នា។ ខណៈតាមគម្រោងការអាចនឹងរៀបចំកំឡុងខែតុលា ដល់ខែវិច្ឆិកា ចុងឆ្នាំវិញ៕
ប្រភព៖FIFA