• Bruno ​ក្លាយ​ជា​តួ​ឯក ​ក្នុង​ជ័យជម្នះ Man Utd ​លើ Man City ​២-០

    ក្រុម Manchester United ​បាន​យក​ឈ្នះ​លើ​ក្រុម Manchester City ក្នុង​លទ្ធផល ២-០ ​ក្នុង​ការ​ប្រកួត Premier League ​កាល​ពី​យប់មិញ​នេះ​។

    ​លេង​ក្នុង​ដី​ខ្លួន​ឯង ​ក្រុម​បិសាច​ក្រហម Manchester United ​ពិត​ជា​ធ្វើ​បាន​ល្អ​មែនទែន។ ​ពួកគេ​អាច​គ្រប់គ្រង​ការ​ប្រកួត​នេះ​បាន និង​រក​បាន​១​គ្រាប់​នាំ​មុខ​នៅ​នាទី​៣០ ​ដោយ Martial ​ក្រោយ​ពី​ទទួល​បាន​បាល់​បញ្ជូន​ពី Bruno ​យ៉ាង​ស្អាត។ ​១​គ្រាប់​នាំ​មុខ​នេះ​ហើយ ​ក្រុម​ទាំង​ពីរ​ក៏​នៅ​តែ​ព្យាយាម​វាយ​សម្រុក​គ្នា​ទៅ​វិញ​ទៅ​មក​ដែរ ប៉ុន្តែ​មិន​មាន​គ្រាប់​បាល់​ភ្លាម​ៗ​ទៀត​ទេ ដោយ​រង់​ចាំ​ដល់​នាទី​៩០+៦ ​ទើប McTominay ​រក​បាន​គ្រាប់​បាល់​ទី​២​ឱ្យ​បិសាច​ក្រហម។

    ​លទ្ធផល​ឈ្នះ​២-០ ​នេះ​ដែរ បាន​ធ្វើ​ឱ្យ​ក្រុម​របស់​លោក Ole ​កាន់​តែ​កៀក​ក្នុង​ការ​ប្រជែង​ចូល​តំបន់ Top4 ​វិញ​ហើយ។ ស្រប​ពេល​រដូវ​កាល​នេះ​វិញ ទាំង​ជើង​ទី​១​និង​ទី​២ ​ក្រុម Man Utd ​សុទ្ធ​តែ​អាច​យក​ឈ្នះ​លើ​ក្រុម Man City ​របស់​លោក Pep ​ទាំង​ពីរ​ជើង។ ដោយ​ជើង​ទី​១កន្លង​ទៅ ​ឈ្នះ​ក្នុង​លទ្ធផល ២-១៕ប្រភព៖ DailMail

     

     

    ភ្ជាប់ទំនាក់ទំនងជាមួយ CTS SPORT