តាមសារព័ត៌មាន Mail របស់អង់គ្លេសបានចុះផ្សាយថាកីឡាករ Tammy Abraham របស់ក្លឹបតោខៀវ Chelsea បានបដិសេធជាមួយក្លឹបលើការបន្តកុងត្រាថ្មី ដោយរង់ចាំដល់ក្លឹបព្រមព្រៀងលើសំណើដំឡើងថ្លៃពលកម្មដ៏ច្រើនលើសលប់មួយសម្រាប់ខ្លួនសិន។
Abraham បច្ចុប្បន្នបានក្លាយជាជម្រើសដំបូងក្នុងដួងចិត្តរបស់គ្រូវ័យក្មេង Frank Lampard ដែលញាំងឲ្យរូបគេចង់ទាមទារប្រាក់ពលកម្មខ្ពស់ជាងប្រាក់ចាស់ដែលទទួលបានត្រឹម ១២០ ០០០ ផោន/សប្តាហ៍ ជាកុងត្រាចាស់ដែលចុះហត្ថលេខាកាលពីឆ្នាំទៅ។
ចំណាត់ការច្បាស់លាស់បែបណាពីក្លឹប Chelsea ក៏មិនទាន់បញ្ជាក់ចេញមកនៅឡើយ ប៉ុន្តែភាគរយច្រើនគេជឿថាម្ចាស់ដី Stamford Bridge នឹងរិះរកគ្រប់វិធីដើម្បីចងជើងយុវជនវ័យ ២២ ឆ្នាំឲ្យនៅជាមួយក្លឹបរយៈពេលយូរ។
រំឭកថានារដូវកាល ២០១៩/២០ អតីតកីឡាករធ្លាប់លេងឲ្យ Aston Villa រូបនេះ បានបង្ហាញខ្លួន ២៥ ប្រកួត និងរកបាន ១៣ គ្រាប់ហើយនៅ Premier League៕
ប្រភព៖ AF