លោក Setien អ្នកចាត់ការក្រុម Barcelona បានសុំទោសក្លឹប Barcelona និងកីឡាករទាំងអស់ ចំពោះកាយវិការមិនសមរម្យរបស់ Sarabia ជំនួយការរបស់ខ្លួន។Sarabia បាននិយាយស្ដីមិនសមរម្យឡើយដាក់កីឡាករ Griezmann អំឡុងពេលពួកគេលេងចាញ់ក្រុម Real Madrid ក្នុងលទ្ធផល ២-០។ ការប្រើពាក្យសម្ដីនិងកាយវិការមិនល្អនេះហើយ បានធ្វើឱ្យអ្នកគាំទ្រនិងកីឡាករក្នុងក្រុមទាំងអស់មិនពេញចិត្តចំពោះជំនួយការគ្រូបង្វឹកម្នាក់នេះនោះទេ។ រហូតដល់មានកីឡាករខ្លះនិយាយនៅមុខអ្នកកាសែតថែមទៀតផង។
យ៉ាងណាមិញ ដើម្បីជាការបញ្ចប់រឿង លោក Setien បានចេញមុខមកនិយាយសុំទោសដោយផ្ទាល់តែម្ដង។ អ្នកចាត់ការវ័យ៦១ឆ្នាំបានអះអាងថា៖ “ខ្ញុំបាននិយាយជាមួយគាត់រួចហើយ។ គាត់ធ្វើបែបនេះ ដោយសារតែគាត់បារម្ភខ្លាំងចំពោះក្រុមទាំងមូល។ យើងនឹងស្វែងរកដំណោះស្រាយចំពោះបញ្ហានេះ ហើយគាត់ក៏ទទួលស្គាល់កំហុសផងដែរ”៕
ប្រភព៖ Marca