លីគកំពូលអ៊ីតាលី នឹងដំណើរការប្រកួតជាធម្មតា ប៉ុន្តែត្រូវលេងដោយបិទទ្វាមិនឱ្យអ្នកគាំទ្របានចូលរួមទស្សនានោះទេ ព្រោះខ្លាចមេរោគ Corona ។
កាលពីសប្ដាហ៍មុនប្រកួតជាច្រើនក្នុងលីគអ៊ីតាលី បានផ្អាកសិន ព្រោះមិនទាន់រកដំណោះស្រាយសមស្របមួយ ជាមួយការរីគរាលដាលមេរោគ Corona ឬ Covid-19 ។ យ៉ាងណាមិញ ក្រោយពីចរចាគ្នារវាងថ្នាក់ដឹកនាំសហព័ន្ធបាល់ទាត់អ៊ីតាលី និងក្រុមទាំងអស់មក ពេលនេះពួកគេបានប្រកាសថានឹងដំណើរការប្រកួតឡើងវិញ ប៉ុន្តែត្រូវលេងក្នុងលក្ខខណ្ឌបិទទ្វាមិនឱ្យអ្នកគាំទ្របានចូលទស្សនានោះទេ។
រំលឹកថានៅអ៊ីតាលី មានអ្នកស្លាប់ដោយសារមេរោគ Corona ជាច្រើននាក់ និងរាប់ពាន់នាក់ទៀតកំពុងឆ្លងមេរោគនេះ។ សាលារៀនជាច្រើននៅបន្ដបិទទ្វាសិន រហូតទាល់តែរដ្ឋាភិបាលអាចគ្រប់គ្រងការឆ្លងមេរោគបាន ទើបបើកដំណើរការវិញ៕ប្រភព៖ Marca
