ភ្នំពេញក្រោនចុះកិច្ចសន្យាជាមួយក្រុមហ៊ុន Fitogether លើការប្រើប្រាស់ម៉ាស៊ីន GPS Tracker

ក្រុមបាល់​ទាត់​ភ្នំពេញ​ក្រោន​បាន​ប្រកាស​ក្នុង​គេហទំព័រផ្លូវការរបស់​ខ្លួន​ថា​បាន​ចាប់​ដៃគូជាមួយក្រុមហ៊ុន Fitogether​ផ្គត់​ផ្គង់​អាវហ្វឹកហាត់​ពិសេសផ្ដោតលើការប្រើប្រាស់ម៉ាស៊ីន GPS Tracker ។

ម៉ាស៊ីន GPS Tracker សម្រាប់ប្រើប្រាស់ក្នុងការប្រកួត និងការហ្វឹកហាត់ ដើម្បីវាស់ចលនារបស់កីឡាករនីមួយៗដែលបំពេញតួនាទីលើទីលាន, ធ្វើការប្រៀបធៀបរវាងកីឡាករ និងកីឡាករ, វាស់កម្រិតនៃភាពលូតលាស់របស់កីឡាករម្នាក់ៗ រួមទាំងទិន្នន័យផ្សេងៗទៀត។

Fitogther បាននាំយកបច្ចេកវិទ្យា GPS Tracker ដែលបានទទួលស្គាល់ពី FIFA មកប្រើប្រាស់ជាមួយបណ្តាក្លឹបមួយចំនួននៅលីគកំពូលថៃ, ក្លឹបផ្សេងទៀតក្នុងពានរង្វាន់ AFC Champions League ព្រមទាំងនៅលីគកូរ៉េខាងត្បូង ខណៈដែល ភ្នំពេញក្រោន គឺជាក្លឹបដំបូងគេនៅកម្ពុជាដែលទទួលបានសេវាកម្មមួយនេះពី Fitogether​៕

ភ្ជាប់ទំនាក់ទំនងជាមួយ CTS SPORT