យោងតាមរបាយការណ៍ពីសារព័ត៌មាន Mundo Deportivo បានចុះផ្សាយថាខ្សែការពារដាំខ្ទឹមរបស់ក្លឹប PSG គឺកីឡាករ Thiago Silva ហាក់ចង់ចាកចេញនិងផ្លាស់ប្តូរមកកាន់ក្លឹប FC Barcelona នារដូវក្តៅខាងមុខនេះ។
បុរសសញ្ជាតិប្រេស៊ីលនឹងត្រូវផុតកុងត្រាជាមួយម្ចាស់ដី Parc des Princes នាបញ្ចប់រដូវកាល ២០១៩/២០ បន្ទាប់ពីរូបគេបង្ហាញខ្លួនបានជាង ២០០ លើកនៅ Ligue 1 ចាប់តាំងពីឆ្នាំ ២០១២។
ប្រភពដដែលបានបន្ត Thiago ជឿជាក់ថារូបគេអាចនឹងបញ្ចុះបញ្ចូលឲ្យ Barca ដាក់សំណើនាំយករូបគេចេញពីទឹកដីបារាំង ដូច្នេះហើយគេអាចបំពេញក្តីស្រមៃក្នុងការលេងអមជើងជាមួយ Lionel Messi បាន៕
ប្រភព៖ Goal