លោក Koeman គ្រូបង្វឹកក្រុមជម្រើសជាតិហុល្លង់បានបញ្ជាក់ថាលោកបានបដិសេធមិនទៅដឹកនាំក្រុម FC Barcelona ក្រោយពីក្លឹបនេះបានដកលោក Valverde ចេញកាលពីពេលកន្លងទៅ។
នៅពេលក្រុម Barcelona ដកលោក Valverde ចេញពីតំណែង មានដំណឹងថាអ្នកចាត់ការល្បីឈ្មោះជាច្រើនត្រូវបានក្លឹបទាក់ទង ប៉ុន្តែចុងក្រោយ ក្រុមអ្នកមានបុណ្យក៏បានប្រកាសវត្តមានរបស់ Setien មកដឹកនាំក្រុមបន្ដតែម្ដង។ យ៉ាងណាមិញ បច្ចុប្បន្នក្រុម Barcelona ក៏មិនទាន់មានលំនឹងក្រុមនៅឡើយដែរ ដោយពួកគេនៅមិនទាន់រកឃើញជម្រើស១១នាក់ដំបូងដែលល្អបំផុតនោះទេ។
លោក Koeman បាននិយាយពីការទៅដឹកនាំក្រុមនេះដែរថា៖ “ពួកគាត់បានទាក់ទងមកខ្ញុំដែរ ប៉ុន្តែខ្ញុំបានបដិសេធនៅគ្រានោះ។ ខ្ញុំកំពុងផ្ដោតទៅលើការដឹកនាំក្រុមជម្រើសជាតិហុល្លង់។ ខ្ញុំមិនទាន់គិតពីក្លឹបដទៃទៀតនោះទេ”៕ប្រភព៖ Marca
