តាមការបញ្ជាក់របស់ក្លិបជើងឯកលីគកំពូលកម្ពុជា៣សម័យកាលបឹងកេត បានឲ្យដឹងថាខ្សែប្រយុទ្ធលេខ១០ ម៉ាត់ ណូរុន នឹងត្រូវអវត្តមានលើទីលាន២សប្ដាហ៍ដោយសាររបួសជង្គង់ហើយក្លិបបញ្ជាក់ថារបួសនេះមិនសូវធ្ងន់ធ្ងរនោះទេ។
ក្នុងការប្រកួតសប្តាហ៍ទី ៣ នៃលីគកំពូលកម្ពុជា រវាងក្លិបបឹងកេត ទល់នឹងណាហ្គាវើលដ៍ វេលាម៉ោង ៣:៣០នាទីរសៀល នៅកីឡដ្ឋានខេមបូឌា អ៊ែវ៉េ កាលពីថ្ងៃទី ២៩ ខែកុម្ភៈកន្លងទៅ កីឡាករ ម៉ាត់ នូរុណ បានទទួលរងរបួសបន្ទាប់ពីប៉ះទង្គិចជាមួយគូប្រកួត ជាហេតុបណ្តាលឱ្យរូបគេត្រូវប្តូរចេញភ្លាមដោយលេងបានត្រឹមជាង១០នាទី។
ក្លិបបានបញ្ជាក់ក្នុងវេបសាយផ្លូវការរបស់ខ្លួនថា៖” ក្រោយការតាមដានអាការៈជំងឺ ពីក្រុមគ្រូពេទ្យប្រចាំក្លិបបានធ្វើការពិនិត្យឃើញថា នូរុណ មិនមានបញ្ហាអ្វីធ្ងន់ធ្ងរឡើយ ដោយ គ្រាន់តែឈឺសន្លាក់ ជង្គង់ ឆ្វេងរបស់ខ្លួន ដែលបានប៉ះទង្គិចប៉ុណ្ណោះ ហើយនឹងជាសះស្បើយវិញក្នុងរយៈពេល ២សប្តាហ៍ទៀត”។
គួរឱ្យដឹងថា ម៉ាត់ នូរុណ បង្ហាញខ្លួនក្នុងជម្រើស ១១នាក់ដំបូង ៣ប្រកួតកន្លងមកឱ្យបឹងកេត និងរកគ្រាប់បាល់ បាន១គ្រាប់ក្នុងជំនួប ១-១ ជាមួយអង្គរថាយហ្គឺរ កាលពីសប្តាហ៍ទី១កន្លងទៅ ៕
ប្រភពនិងរូបភាព៖ក្លិបបឹងកេត