ក្រុមភ្នំពេញក្រោនបានប្រកួតឈ្នះក្រុមអាស៊ីអឺរ៉ុបក្នុងលទ្ធផល៦ទល់០នាការប្រកួតក្នុងពានរង្វាន់ Metfone Cambodian League សប្ដាហ៍ទី៣នៅកីឡដ្ឋាន Smart RSN Stadium កាលពីថ្ងៃសៅរ៍ ខណៈក្នុងការប្រកួតនេះខ្សែប្រយុទ្ធប្រេស៊ីល Paulo Victor រកបានមួយគ្រាប់និងបញ្ជូនបាល់បានមួយគ្រាប់។
« ខ្ញុំរីករាយណាស់ដែលការប្រកួតលើកដំបូងរបស់ខ្ញុំ ហើយខ្ញុំអាចជួយក្រុមឲ្យទទួលបានបីពិន្ទុដូច្នេះ ។ ខ្ញុំគិតថា វាគឺជាការប្រកួតមួយដែលល្អ ប៉ុន្តែខ្ញុំសង្ឃឹមថាខ្ញុំនឹងព្យាយាមអភិវឌ្ឍន៍ខ្លួនបន្ថែមទៀត ដើម្បីជួយក្រុមឲ្យឈ្នះរាល់ការប្រកួត ។ » Paulo និយាយក្រោយចប់ការប្រកួត។
« ក្រុមរបស់យើងមានកីឡាករដែលមានបញ្ហារបួសច្រើន ហើយពេលនេះពួកគេមួយចំនួនបានត្រលប់មកចូលរួមវិញហើយ ខ្ញុំសង្ឃឹមថាយើងនឹងបន្តការឈ្នះរបស់យើងបន្ថែមទៀត នឹងទទួលបានគោលដៅរួមរបស់យើង ដែលចង់ឈ្នះការប្រកួតទាំងអស់រហូតដល់ចប់ការរដូវកាល ។ ប៉ុន្តែយើងក៏ត្រូវធ្វើការឲ្យខ្លាំងដែរពីមួយប្រកួតទៅមួយប្រកួត ព្រោះយើងត្រូវតែខ្លាំងពីមួយជំហានទៅមួយជំហាន ។ »
ឆ្លើយតបជាមួយអ្នកសារព័ត៌មានអំពីជំនួបបន្ទាប់ជាមួយព្រះខ័នរាជស្វាយរៀង កីឡាករប្រេស៊ីបន្តថា៖” សម្រាប់ការប្រកួតបន្ទាប់ជាមួយព្រះខ័នរាជស្វាយរៀងកីឡាកររូបនេះបានបញ្ជាក់ថា៖ « រាល់ការប្រកួតទាំងអស់គឺវាលំបាក ហើយយើងដឹងថាពួកគេគឺជាក្រុមដែលខ្លាំងមួយនៅពេលនេះ ប៉ុន្តែយើងក៏មានសក្តានុពលដូចគ្នាសម្រាប់ការប្រកួតក្នុងដីរបស់យើង ដើម្បីទទួលបានបីពិន្ទុ ។ ខ្ញុំសង្ឃឹមថាអ្នកគាំទ្រនឹងមកទីនេះដើម្បីគាំទ្រ លើកទឹកចិត្តក្រុមរបស់យើងឲ្យកាន់តែច្រើនបន្ថែមទៀត ។ »
ប្រភពនិងរូបភាព៖ភ្នំពេញក្រោន
