Quique Setien អ្នកចាត់ការក្រុម FC Barcelona បានប្រាប់ទៅអ្នកគាំទ្រឱ្យស្ងប់ចិត្តសិន កុំទាន់អាវវាយតម្លៃលើក្រុម ខណៈដែលការប្រកួតចាញ់ Real Madrid មិនមែនមានន័យថាក្រុមបាត់ពាន La Liga នោះទេ។
ជំនួប El Clasico នៅយប់មិញ ក្រុម Real Madrid បានយកឈ្នះ FC Barcelona បានក្នុងលទ្ធផល ២-០។ លទ្ធផលនេះ ធ្វើឱ្យក្រុមអ្នកមានបុណ្យធ្លាក់ចេញពីកំពូលតារាងហើយ ជំនួសដោយក្រុមរបស់លោក Zidane វិញម្ដង។ ក្រុមទាំងពីរនេះ មានពិន្ទុលើសខ្វះគ្នាតែ១ពិន្ទុប៉ុណ្ណោះ។
លោក Setien ដែលជាអ្នកចាត់ការក្រុមអ្នកមានបុណ្យបាននិយាយបន្ថែមទៀតថា៖ “សប្ដាហ៍មុនយើងលើសគេ២ពិន្ទុ ហើយពេលនេះគេលើសយើង១ពិន្ទុវិញ។ នៅមានការប្រកួតជាច្រើនទៀត ដូច្នេះកាប្រជែងពានរង្វាន់នៅមិនទាន់បញ្ចប់ទេ។ វាជាការប្រកួតមួយដែលយើងមិនអាចចាញ់បាន ប៉ុន្តែលទ្ធផលបានចេញមកហើយ។ យើងជាក្រុម Barcelona យើងអាចត្រលប់ទៅរកជ័យជម្នះវិញបាននៅថ្ងៃមុខ”៕ប្រភព៖ Goal
