ក្រុម Real Madrid បានធ្វើឱ្យអ្នកគាំទ្រសប្បាយចិត្តខ្លាំង ក្រោយពីបានយកឈ្នះលើក្រុម FC Barcelona បានក្នុងលទ្ធផល ២-០ ក្នុងជំនួប El Clasico ។
ក្រុម Real Madrid បានចាញ់ក្រុម Manchester City ក្នុងដីខ្លួនឯងកាលពីពាក់កណ្ដាលសប្ដាហ៍មុន មុនជួបជាមួយ Barcelona ។ បរាជ័យនោះ បានធ្វើឱ្យអ្នកគាំទ្រមិនសប្បាយចិត្តទេ ប៉ុន្តែជារឿងល្អវិញនៅពេលពួកគេអាចយកឈ្នះលើក្រុមគូប្រជែង Barcelona បានវិញ។
ចំពោះលទ្ធផលនេះ Zidane បាននិយាយថា៖ “វាជារដូវកាលពិបាកសម្រាប់ក្រុម។ យើងបានប៉ះក្រុមខ្លាំង Man City មុនពេលយើងលេងទល់ Barcelona ។ ខ្ញុំមិនបន្ទោសកូនក្រុមដែលចាញ់ Man City ឡើយ លទ្ធផលពួកគេអាចយកឈ្នះ Barcelona បាន គឺបានបញ្ជាក់ទៅហើយ។ យើងមានក្រុមដ៏ល្អមួយ ហើយលទ្ធផលនេះនឹងធ្វើឱ្យក្រុមយើងកាន់តែមានទំនុកចិត្តថែមទៀត”។
ក្រុម Real Madrid នឹងលេងជើងទី២ទល់ក្រុម Man City នៅថ្ងៃទី១៧ខាងមុខនេះ ពានរង្វាន់ UEFA Champions League វគ្គ១៦ក្រុមចុងក្រោយ។ ខណៈដែលបច្ចុប្បន្នពួកគេក៏ឈរនៅកំពូលតារាង La Liga វិញផងដែរ៕ប្រភព៖ Dailymail
