ប្រធានក្រុម Sergio Ramos បានបញ្ជាក់ថាក្រុម Real Madrid បានគ្រប់គ្រងការប្រកួតទល់ក្រុម FC Barcelona ទាំងស្រុង មិនមែនត្រឹមតែឈ្នះ ២-០ នោះទេ។
ក្រុម Real Madrid បានយកឈ្នះលើក្រុម Barcelona ក្នុងការប្រកួត El Clasico កាលពីយប់មិញនេះ។ លទ្ធផលទទួលបាន៣ពិន្ទុក្នុងប្រកួតសំខាន់នេះ ធ្វើឱ្យក្រុម Zidane បានឡើងទៅឈរនៅកំពូលតារាងវិញហើយ ប៉ុន្តែលើសក្រុម Barcelona តែ១ពិន្ទុប៉ុណ្ណោះ ដូច្នេះការប្រកួតប្រជែងនៅមានដដែលសម្រាប់ជើងឯកអេស្ប៉ាញឆ្នាំនេះ។
និយាយពីការប្រកួតខាងលើវិញ Ramos ប្រធានក្រុមអធិរាជស បាននិយាយថា៖ “យើងបានគ្រប់គ្រងការប្រកួតនេះ និងអាចសម្លាប់ក្រុម Barcelona ។ ពួកគេព្យាយាមគ្រប់គ្រងបាល់ ប៉ុន្តែហាក់ដូចជាមិនសម្រុកមកលើយើងឡើយ។ ដូច្នេះទើបបានព្យាយាមតាមយកបាល់ និងវាយបកលើពួកគេវិញ។ សម្រាប់ប្រកួតនេះ យើងច្បាស់ណាស់ថានឹងឈ្នះ ព្រោះយើងមាន១គ្រាប់ហើយ ក៏នៅបន្ដលេងសម្រុកនិងគ្រប់គ្រងការប្រកួតបានល្អ។ Messi នៅតែជាកីឡាករលេចធ្លោសម្រាប់ការប្រកួត ប៉ុន្តែយើងអាចទប់ស្កាត់គេបាន និងមិនឱ្យបង្កគ្រោះថ្នាក់នោះទេ”៕ប្រភព៖ Marca
