ក្រុម Manchester City បានឈ្នះពានរង្វាន់ Carabao Cup ជាលើកទី៣ក្នុង៣ឆ្នាំចុងក្រោយនេះ ក្រោយពីយកឈ្នះលើក្រុម Aston Villa ក្នុងលទ្ធផល ២-១ នៅយប់មិញ។
ជ័យជម្នះខាងលើនេះដែរ ត្រូវបានលោក Pep អ្នកចាត់ការក្រុម Man City និយាយថាប្រហែលជាគ្មានក្រុមណាអាចធ្វើបានល្អដូចក្រុមរបស់លោកឡើយ។ ពួកគេបានឈ្នះ៨ពានរង្វាន់ក្នុងចំណោម៩ពានរង្វាន់នៅអង់គ្លេសទៅហើយ ដូច្នេះមិនងាយមាននរណាអាចធ្វើបានបែបនេះទេ។
អ្នកចាត់ការល្បីឈ្មោះខាងលើបាននិយាយបន្ថែម ទៀតថា៖ “មិនងាយឡើយសម្រាប់ក្រុមដទៃ ដើម្បីធ្វើឱ្យបានដូច Man City ដែលឈ្នះ៨ក្នុងចំណោម៩ពានចុងក្រោយនោះ។ យើងបានបង្កើតប្រវត្តិសាស្ត្រថ្មីមួយសម្រាប់ក្រុម យើងឈ្នះពានរង្វាន់ Carabao Cup ៣ឆ្នាំជាប់គ្នា។ យើងមានមោទនភាពសម្រាប់ការសម្រេចបាននេះ”៕ប្រភព៖ Dailymail
