Real Madrid បាន​យក​ឈ្នះ​ទៅ​លើ Barcelona ក្នុង​លទ្ធផល ២-០ កាល​ពី​យប់​មិញ​នៅ​ឯ​កីឡដ្ឋាន Santiago Bernabeu ​ដោយ​សម្រេច​គ្រាប់​បាល់​បញ្ចូល​ទី​បាន​ដោយ​កីឡាករ Vinicius Junior និង Mariano។

ទៅ​មើល​ស្ថិតិ​គ្រប់គ្រង​បាល់​សម្រាប់​ម្ចាស់ផ្ទះ​មាន​ត្រឹម ៤៤ ភាគរយ ដោយ​ស៊ុត​សរុប ១៣ លើក ចំ​គោលដៅ ៥ លើក ខណៈ​ក្រុម​ភ្ញៀវ​គ្រប់គ្រង​បាល់ ៥៦ ភាគរយ ស៊ុត ៩ លើក ចំ​គោលដៅ ៤ លើក។ គ្រាប់​បាល់​ដំបូង​បាន​កើត​ឡើង​នៅ​នាទី ៧១ ដោយ​ប្រុស​ម៉ៅ Vinicius Junior មុន​ពេល​អតីត​កីឡាករ​ពាក់​អាវ​លេខ ៧ Mariano មក​បន្ថែម​មួយ​គ្រាប់​ទៀត​នៅ​នាទី ៩០+២។

ទស្សនា​វីដេអូ​ខាង​ក្រោម៖

https://www.youtube.com/watch?v=eUk1JbW9Inc

រំឭក​ថា​ ៣ ពិន្ទុ​ដ៏​មាន​តម្លៃ​នេះ​បាន​រុញ​ឲ្យ Real Madrid រំកិល​មក​ឡើង​កំពូល​តារាង​បណ្តោះ​អាសន្ន​គិត​ត្រឹម​ជុំ​ទី ២៦ ដោយ​នាំ​មុខ​ ១ ពិន្ទុ​លើ​អ្នក​មាន​បុណ្យ។

ជាង​នេះ​វា​ជា​ការ​បំបែក​ប្រវត្តិសាស្រ្ត​នៅ ៥ ឆ្នាំ​​ចុង​ក្រោយ​ដែល Real លេង​មិន​ធ្លាប់​ឈ្នះ​ទាល់​តែ​សោះ​ក្នុង​ដី​តាំង​ពី​ចុង​ឆ្នាំ ២០១៥ ពោល​គឺ​បាន​ត្រឹម​ស្មើ​និង​ចាញ់​តែ​ប៉ុណ្ណោះ៕​