បើតាមសារព័ត៌មាន AS បានចុះផ្សាយថាស្តេចស Real Madrid បាននឹងកំពុងចាប់អារម្មណ៍ចង់នាំយកកីឡាករសញ្ជាតិន័រវេស Erling Haaland នាឆ្នាំ ២០២១ ខាងមុខ ជាមួយតម្លៃខ្លួនប្រមាណ ៧៥ លានអឺរ៉ូ។
ស្តេចសទំនងជាបោះបង់គោលដៅចង់បាន Mbappe បន្ទាប់ពី PSG ហាក់មិនបើកភ្លើងខៀវទាល់តែសោះក្នុងការអនុញ្ញាតឲ្យកីឡាករបារាំងចាកចេញពីទ្រនំនៃទីក្រុងប៉ារីស។
សម្រាប់ Haaland ប្រសិន Dortmund ព្រមលក់ចេញ ក៏ចំណេញយ៉ាងក្រាស់ក្រែលផងដែរ ព្រោះគ្រានាំយកពី Salzburg នៅដើមឆ្នាំ ២០២០ ចាយអស់ត្រឹមតែ ២០ លានអឺរ៉ូប៉ុណ្ណោះ។
ប៉ុន្តែទម្រង់លេងរបស់កីឡាករវ័យ ១៩ ឆ្នាំហាក់បន្តឡើងកូដកាន់តែខ្លាំងឡើងមិនថាតែនៅពានរង្វាន់ក្នុងលីគ Bundesliga និង UEFA Champions League។ ដោយជាមួយ Dortmund ៦ ប្រកួតរកបាន ៩ គ្រាប់ហើយ ខណៈនៅ UCL ៧ ប្រកួតសរុប (ក្លឹបចាស់+ថ្មី) រកបាន ១០ គ្រាប់ឈរជា Top Scorer ចំណាត់ថ្នាក់ទី ២ បន្ទាប់ពី Lewandowski៕
ប្រភព៖ AF