ក្រុម Norwich ដែលស្ថិតនៅបាតតារាង បានយកឈ្នះក្រុមចំណាត់ថ្នាក់លេខ៣ Leicester City ក្នុងលទ្ធផល ១-០ ក្នុងការប្រកួតលីគកំពូលអង់គ្លេសនៅយប់មិញនេះ។
ក្រុម Leicester City ៥ប្រកួតចុងក្រោយនេះ ធ្វើមិនបានល្អទាល់តែសោះ ដោយចាញ់៣និងស្មើ២ប្រកួត។ ខណៈដែលប្រកួតចុងក្រោយ នេះ បែរជាចាញ់ក្រុមបាតតារាង Norwich ថែមទៀត។ ១គ្រាប់របស់ក្រុម Norwich ដែលសម្លាប់ក្រុម Leicester City នៅយប់មិញ ធ្វើបានដោយ Jamal Lewis នៅនាទី៧០នៅតង់ទី២។
បើទោះជាធ្វើមិនបានល្អ រហូតដល់៥ប្រកួតយ៉ាងនេះមែន ប៉ុន្តែសម្រាប់ក្រុម Leicester City នៅតែឈរនៅលេខ៣ក្នុងតារាង និងមានពិន្ទុដាច់ក្រុមលេខ៤ រហូតដល់៦ពិន្ទុឯណោះ។ ដូច្នេះបើទោះជាបន្ដចាញ់២ប្រកួតទៀត ក៏ពួកគេនៅមានសង្ឃឹមក្នុងតំបន់ Top4 ដដែលដែរ៕ប្រភព៖ Dailymail
