ក្រុម Juventus បានបរាជ័យក្រោមថ្វីជើងក្រុម Lyon ក្នុងលទ្ធផល ១-០ នាការប្រកួតពានរង្វាន់ UEFA Champions League វគ្គ១៦ក្រុមចុងក្រោយជើងទី១កន្លងទៅ។
ការបរាជ័យនេះបានធ្វើឱ្យលោក Sarri ដែលជាអ្នកចាត់ការក្រុម Juventus ខឹងសម្បារយ៉ាងខ្លាំង ទៅលើកីឡាកររបស់ខ្លួនឯង ដែលមិនយល់ពីក្បួនលេង ហើយលេងមិនដូចពេលហ្វឹកហាត់សោះ។ អ្នកចាត់ការចូលចិត្តជក់បារីខាងលើបាននិយាយថា៖ “ខ្ញុំមិនអាចទទួលបានកីឡាករដែលយល់ពីការបោះបាល់លឿនទាល់តែសោះ។ វាពិបាកពន្យល់ពីបច្ចេកទេសនេះ ប៉ុន្តែពួកគេលេងមិនដូចអ្វីដែលបានហាត់នោះទេ។ យើងនៅមានចំណុចខ្វះខាតច្រើនមិនមែនតែប្រយុទ្ធទេ។ តំបន់ការពាររបស់យើង ក៏មិនបានផ្ដោតលើការពារដែរ”។
យ៉ាងណាមិញ លទ្ធផលចាញ់ត្រឹម១-០ នេះ ត្រូវបានលោក Sarri មើលឃើញថាក្រុម Juventus នៅមានឱកាសបានឡើងជុំបន្ដបាន។ ត្បិតអីជើងទី២នឹងធ្វើឡើងនៅទឹកដីអ៊ីតាលីម្ដង៕ប្រភព៖ Dailymail